BENEDICTIO PUERORUM ÆGROTANTIUM

1. Sacerdos inductus superpelliceo et stola albi coloris, infirmi cubiculum ingressus, primum dicit:

V. Pax huic dómui.

R. Et ómnibus habitántibus in ea.

Mox aspergit puerum et circumstantes et cubiculum aqua benedicta, nihil dicens.

2. Postea dicitur:

PSALMUS 121 (120)

Attóllo óculos meos in montes: ∗ unde véniet auxílium mihi?

Auxílium meum a Dómino, ∗ qui fecit cælum et terram. –

Non sinet nutáre pedem tuum, ∗ non dormitábit qui custódit te.

Ecce non dormitábit neque dórmiet, ∗ qui custódit Israël. –

Dóminus custódit te, ∗ Dóminus protéctio tua a látere dextro tuo.

Per diem sol non fériet te, ∗ neque luna per noctem. –

Dóminus custódiet éxitum tuum rt intróitum tuum, ∗ et nunc et usque in sæculum.

Glória Patri et Fílio ∗ et in sǽcula sæculórum. Amen.

3. Deinde sacerdos dicit:

V. Kýrie, eléison.

R. Christe, eléison. Kýrie, eléison.

Sacerdos hortatur adstantes:

Patrem cælestem de sanitate eiúsdem pueri (eorundem puerorum) suppicantes simul Oratiónem Dóminicam recitemus.

Omnes simul recitant Orationem Dominicam:

Fancy letter P ater noster, qui es in cælis, sanctificétur nomen tuum. Advéniat Regnum tuum. Fiat volúntas tua, sicut in cælo et in terra. Panem nostrum quotidiánum da nobis hódie. Et dimítte nobis débita nostra, sicut et nos dimíttimus debitóribus nostris. Et ne nos indúcas in tentatiónem, sed líbera nos a malo . Amen.

V. Deus noster miserétur.

R. Custódiens párvulos Dóminus.

V. Sínite párvulos veníre ad me.

R. Tálium est enim regnum cælórum.

V. Dómine, exáudi oratiónem meam.

R. Et clamor meus ad te véniat.

V. Dominus vobíscum.

R. Et cum spíritu tuo.

ORATIO

Orémus.

d-05 eus, cui cuncta adoléscunt, et per quem adúlta firmántur: exténde déxteram tuam super hunc fámulum tuum (hanc fámulam tuam, hos famulos tuos, has famulas tuas), in ténera ætáte languéntem (languentes): quátenus, vigóre sanitátis recépto ad annórum pervéniat (perveniant) plenitúdinem, et tibi fidéle gratúmque obséquium indesinénter præstet (praestent) ómnibus diébus vitæ suæ. Per Dóminum nóstrum Iesum Christum Fílium tuum: Qui tecum vivit et regnat in unitáte Spíritus Sancti Deus per ómnia sǽcula sæculórum.

R. Amen.

ORATIO

Orémus.

c-06 oncéde hunc fámulum tuum (hanc fámulam tuam, hos famulos tuos, has famulas tuas), quæsumus, Dómine Deus, perpétua mentis et córporis sanitáte gaudére: et gloriósa beátæ Maríæ semper Vírginis intercessióne, a præsénti liberári tristítia, et ætérna pérfrui lætítia. Per Dóminum nóstrum Iesum Christum Fílium tuum: Qui tecum vivit et regnat in unitáte Spíritus Sancti Deus per ómnia sǽcula sæculórum.

R. Amen.

ORATIO

Orémus.

d-05 eus, qui miro órdine Angelórum ministéria hominúmque dispénsas: concéde propítius; ut, a quibus tibi ministrántibus in cælo semper assístitur, ab his in terra vita huius púeri (puéllæ, horum puerorum, harum puellarum) muniátur. Per Dóminum nóstrum Iesum Christum Fílium tuum: Qui tecum vivit et regnat in unitáte Spíritus Sancti Deus per ómnia sǽcula sæculórum.

R. Amen.

4. Completa oratione ultima, sacerdos imponit dexteram manum super caput infirmi et dicit:

s-04 uper ægros manus impónent, et bene habébunt. Iesus, Maríæ Fílius, mundi salus et Dóminus, méritis et intercessióne saanctórum Apostolórum suórum Petri et Pauli, et ómnium Sanctórum, sit tibi clemens et propítius. Amen.