Litaniæ pretiosissimi Sanguinis Domini Nostri Iesu Christi

Kýrie, eléison (ter).
Christe, eléison (ter).
Kýrie, eléison (ter).
Christe, audi nos.
Christe, exáudi nos.
Pater de cælis Deus, misérere nobis.
Fili Redémptor mundi Deus, misérere nobis.
Spíritus sancte Deus, misérere nobis.
Sancta Trínitas unus Deus, misérere nobis.

Sanguis Christi, Unigéniti Patris æterni, salva nos.
Sanguis Christi, Verbi Dei incarnáti, salva nos.
Sanguis Christi, Novi et Æterni Testaménti, salva nos.
Sanguis Christi, in agónia decurrens in terram, salva nos.
Sanguis Christi, in flagellatióne profluens, salva nos.
Sanguis Christi, in coronatióne spinárum emanans, salva nos.
Sanguis Christi, in Cruce effusus, salva nos.
Sanguis Christi, pretium nostræ salutis, salva nos.
Sanguis Christi, sine quo non fit remíssio, salva nos.
Sanguis Christi, in Eucharístia potus et lavácrum animárum, salva nos.
Sanguis Christi, flumen misericordiæ, salva nos.
Sanguis Christi, victor dæmonum, salva nos.
Sanguis Christi, fortitúdo martyrum, salva nos.
Sanguis Christi, virtus confessórum, salva nos.
Sanguis Christi, germinans virgines, salva nos.
Sanguis Christi, robur periclitántium, salva nos.
Sanguis Christi, levámen laborántium, salva nos.
Sanguis Christi, in fletu solatium, salva nos.
Sanguis Christi, spes poeniténtium, salva nos.
Sanguis Christi, solamen morientium, salva nos.
Sanguis Christi, pax et dulcédo cordium, salva nos.
Sanguis Christi, pignus vitæ æternæ, salva nos.
Sanguis Christi, animas liberans de lacu Purgatórii, salva nos.
Sanguis Christi, omni gloria et honore digníssimus, salva nos.

Agnus Dei, qui tollis peccáta mundi, parce nobis, Dómine.   *
Agnus Dei, qui tollis peccáta mundi, exáudi nos, Dómine.   *
Agnus Dei, qui tollis peccáta mundi, misérere nobis.   *
* Plangimus pectora nostra ter

V. Redimisti nos, Dómine, in Sánguine tuo.
R. Et fecisti nos Deo nostro regnum.

Orémus. Omnípotens sempitérne Deus, qui unigénitum Filium tuum mundi Redemptórem constituisti, ac eius Sánguine placari voluisti: concede, quaésumus, salutis nostræ pretium ita venerari, atque a præséntis vitæ malis eius virtúte defendi in terris, ut fructu perpetuo lætemur in cælis. Per eúndem Dóminum nostrum Iesum Christum Fílium tuum: Qui tecum vivit et regnat in unitáte Spíritus Sancti Deus per ómnia sæcula sæculórum. Amen. 

 

Advertisements